Zeugnis-Box
Schreib uns, was du mit Gott während und nach dem PraiseCamp erlebt hast, und ermutige damit uns alle.
Nadine
zerscht malä: ich ha ez die Zügnis gläsä, bi am schaffe & mich frürts am ganze Körper.. Unglaublich was Gott tuet!! Halleluja!
zu mim Zügnis:
ich bin vor 2 Jahr au scho im Camp gsi, ich bi döt mega berüehrt worde und ha Wunder und Tate und Zeiche erläbt wo ich mier voher nie la träume la hetti!
dementsprächend erwartigsvoll bi ich au das jahr wieder is PC. ich ha so vil Frage offe gha, ich ha soooo vill Antworte brucht. Jede Regitrack, jedi Plenarziite hani eifach dänkt: Gott, berüehr mich und schänk mier die Antworte.. Ich bi das Jahr sälber Chligruppeleiterin gsi, ich ha zersch üebrhaupt nid möge und ha kei Sinn gseh i dem inne..wo mier aber plötzlich nu Zuewachs vu andere Gruppe becho hend ha ich müessä merkä dass mich Gott gnau döt het welle.. Dur d Teilnähmer ha ich Wiisheit becho, ich ha d Chraft becho wiiterzmache a dem Punkt wo ich ez stahnd.
Am Ministry Morge hed de die Frau wo für üs bätät hed en Idruck becho.. ich ha ihre mini Frage gstellt und sie hed um antwort bätä. Leider hed sie mier de nid die Antwort gäh woni erwartet ha sondern isch mit enere Verletzig wo 8 Jahr här isch cho, und hed mier gseid dass ich söll vergäh, dass ich söll Liebi anäh und fürä luägä. Das hed mi enorm berüehrt, ich ha scho so lang nümm dänkt dass das nu relevant isch i mim Läbä. ich ha denn chönnä vergäh, s hed aber e Monet brucht..
Churz: i dem Lager bi ich gnau nur einisch berüehrt gsi. bi dem Gebät .
Ich ha kei Närvä me gha, mich hed alles gstresst, a Silväster hani uf s Jahr zrugg gluegt und nur brüelet willi so entdüscht gsi bin, vum Jahr, wie au vum PC. Ich ha immer dänkt dass mich das Lager me gschlissä als ufbuut het.. Wo ich hei cho bi hani aber agfange mit nem "Gott-Tagebuech". wo ich mini Idrück und Gedanke, Gebät und Bibelvers ineschrib. Das bini Gott schuldig gsi, han ich gmeint.
Ich ha bewusst keis Zügnis bis ez inegschribe.. Ez sind 2 Mönet vergange
Und ich muess üch sägä. Gott hed mich i dem Lager enorm veränderet! Au wenn ich das nid gspürt ha zersch.. Ich ha die RELOVEUTION duregmacht.. Ich bi ez überall am schaffe, bsunders a mier & mine Beziehige.
Ich ha vu dene 3 riesige Frage 2 Antworte becho im Lauf vu dere Ziit. Und ich weiss dass sich die letscht Frag ganz sicher au nu beantworte wird.
Ich will üch ermuetigä, gänd nid uf, au wenn iehr Gott eisch es Ziitli nid gspürid und entdüscht sind vunem.. Er isch hie, er isch IMMER näb üch, treit üch, gsehd & ghört üch.. Das muess zersch "klick" mache und ersch denn cha mer de Glaube Tag für Tag läbä. Ich habe fertig =)
Isabelle
I hami sit Wuchä u druf gfröit gah z schinä, ha alles scho supper Plant ka u bi natürlech jedä Tag gah luägä wi der Schnee isch... Doch am Abä befors los wär gangä bini inä Bank inä gsprungä, also eigentlech heti drüber welä gumpä doch glichzitig lüpftz eper uf...(Okey wär usser ig springt scho ines Bänkli XD) Ds Chnöi isch när emel zimlech schnäll a gschwullä... u am nächstä Tag isches no schlimmer gsi u i ha nid chönä gah schinä! Doch wonimers so überleit ha, weni het chönä gah schinä wär mir niä i Sinn cho mi Bruätsch u sini Family wider äs mal gah z bsuachä u i bi fest dr vo überzügt dases so het söllä si... Wel sini Family macht im Moment ä zimlech herti Zyt dürä u i weiss ihm hetz scho numä gholffä oder guät ta das ihm eper zuäglost het... I wet euch eifach ermuätigä, oh wes Situationä im Läbä git womä nid weiss wiso das, dass söll si, Gott het alles ihr Hand u är weiss wiso daser das macht...!
Luca
Hey sali an alli! ich bin sit em Praiscamp nüme de glichi. egal wasi mache de gott laht mi nöd los!! ich chan in usgang und obwohl ich ab und zue chli viel trinke, lahts gott nöd zue das ich mich wieder in all de scheiss inebegib wo ich usecho bin.. das heisst ich han recht stark droge konsumiert und bin au scho sit 12 vo dehei weg. tja und denn chunt uf einmal sowas wies praiscamp und veränderet alles!!! ich wär eine vo dene remos wo immer nach liebi und glück gsuecht händ und wow, ja, genau, WOW!!! ich lern genau im praiscamp die beschti frau kenne wos git! mir sind jez zäme und startet de zäme dure wo ich versäge... ich bin mitlerwiele au clean und konsumiere kei droge meh.. trotz es paar rückfäll schaff ichs mit gottes hilf.. !! er ersetzt mer sogar drogerüüsch. isch doch abartig oder?! ich wott was gseh vo dem gott!!! und das wasi jede tag erläbe!! er grift so ih, au denn wännis einlech gar nöd verdient hett.. ich wott eifach alli ermuetige wo no zwiefel an jesus händ. gebed nöd uf!!! ich han 17 jahr lang liebi in partys und so gsuecht, obwohl ich chrischtlich ufgwachse bin.. einigi lüt bruched halt meh "scheiss", dass si merked das es nur de eini wäg git. RELOVEUTION GAT WIETER!!!!!
Iris
Ich hatte schon lange den Wunsch in meiner Klasse zu meinem Glauben zu stehen und mit meinen Kollegen über Gott reden zu können. Auch im Praisecamp betete ich viel damit ich eine Gelegenheit und vor allem den Mut dazu bekomme. Eine Woche nach dem Praisecamp hatte ich endlich die Möglichkeit mit Schulkollegen zu sprechen und ich konnte in aller Ruhe von meinem Glauben erzählen. Es war unglaublich wie offen sie waren und ich bin überwältigt von Gottes Führung! Ich habe im Praisecamp ganz neu erfahren können, wie viel Kraft Gebete haben und möchte euch alle ermutigen nicht mit dem Beten aufzuhören, egal wie lange es dauert, bis eine Antwort kommt!
Janik
Mini gschicht mit Gott:
Ich bin in einem christlichen Elternhaus aufgewachsen. Mir ging es immer perfekt, auch mit Gott... Bis ich ins Teenager Alter kam. Plötzlich wurden mir Dinge wichtiger als mein Glaube zu Gott: Frauen, Geld, Anerkennung, usw. haben mich immer weiter von Gott weggezerrt. Bis ich schliesslich in einem christlichen Lager in Italien gewesen bin. Dort wurde mir bewusst, das all diese Dinge, alles erdliche, eigentlich vergänglich ist. Nach diesem Lager konnte ich eine Zeit lang wirklich eng mit Gott verbringen und eng mit Gott leben.
Dann vergingen 2,3 Jährchen mit denen ich Schritt für Schritt Selbsthass erfahren habe. Mit der Zeit hielt ich absolut nichts mehr von mir. Gegen aussen ging es mir immer "perfekt". Innerlich jedoch hasste ich mich. Wie ich aussah.... Wie ich bin...
Nach einer gewissen Zeit habe ich Gott di Schuld für all dies gegeben:
Wieso hilft mir Gott nicht einfach?? Gott ist doch so gross? Es sollte doch kein Problem für ihn sein? Ich dachte: Wenn es mir mit Gott so Scheisse (sry für dä usdrock ^^) geht, brauche ich ihn doch nicht.
Ich habe angefangen Gott fast ganz aus meinem Leben zu schliessen, fing an weltlich zu leben. (Ich werde jetzt nicht aufzählen was ich alles getan habe)
Mir ging es wirklich super. Es fühlte sich gut an zu "leben". Dies jedoch nur im 1. Moment.
An 1 Tag dann brach in meinem Leben alles plötzlich ein. Probleme mit meiner Arbeit in der Lehrstelle, Streit mit den Lehrern meiner Berufsschule, Streit mit der Familie, und weitere Dinge. Es war ein Katastrophen Tag. Ich habe bemerkt das etwas fehlt. Das ich etwas verloren habe. Ich hatte jedoch Angst wieder zurück zu Gott zu kommen. Nach all dem was ich gemacht habe.
Dann ging ich ins Praisecamp 2010 ond ich habe Gott neu erleben dürfen in seiner ganzen Fülle und Kraft. All die Lasten und Sorgen die ich hatte wurden wie weggeblasen. Ich habe in diesem Camp Dinge mit Gott erlebt die ich mir vorher erhofft, aber nie wirklich daran geglaubt habe. Und zu guter letzt wurde mir bewusst das alles was ich brauche Gottes Liebe ist.
Christin
Nach dem Praisecamp haben wir als Jugendgruppe einen Gottesdienst gestaltet und wir haben unserer Gemeinde von den kleinen und grossen Erlebnissen erzählt. Nach dem Gottesdienst haben mich verschiedene Leute angesprochen und gesagt, dass "etwas Neues in unsere Gemeinde gekommen ist" oder "etwas Neues begonnen hat" mit dem, was wir erzählt haben. Das hat mich sehr gefreut! Eigentlich weiss ich es ja, aber es erstaunt mich doch immer wieder neu, dass Gott mit uns ans Ziel kommt. Und so bete ich dafür, dass sich dieses "neue Etwas" weiterentwickelt...
In diesem Sinn: Nicht aus uns selber, sondern als logische Folge auf seine Liebe zu uns: Let's make a difference!!
Leya
I bi am Zischtig nachem Worship in Ohnmacht keit. I bi recht gschwächt gseh u han ned chönne loufe. Am Namitag isch mir u mega längwilig worde. i han eifach mol afa bätte u nachene han is Gfühl ka i sött doch mol d'Bible ufschloh. I han Bible ufdo und han gläse vo der Gschicht wo mer e Glähmti dur es Loch im Dach abe brocht het. Jesus seit zu ihm stand uf dini Sünde sind dir vergäh. Da het mi so berührt i ha plötzlich en unendlichi Kraft gspürt u bin ufgstande. I ha eifach Gott afo lobe. Wa mir ou bewusst worde isch: egal wieviel mol mir ou umkeie, Jesus tuet üs hälfe das mir ufstohn u witergön. Wo mir das bewusst worde isch bin i eifach überglücklich gseh. I wott eu säge, egal was eu ufhautet, stan uf und gang witer! Du wirsch geng wieder umkeie aber stahn uf und gang witer. Be blessed!
Natalie
Wo bim einte Plenum (Ich weiss nümme wenn das gsi isch und wär dass gseit het) uf de Bühni öber gseit het, dass är dört e jungi Frau gseht wo Schmärze het und suscht irgend neumed e junge maa wo suscht öbis het, ha ich dänkt : Wow, dä kah jo meega prophetisch rede. Die Lüt sind sicher meega agsproche worde. Meega cool dass dä dass kah und Gottes Stimm so guet hört!! (bi fascht e chli nidisch gsi). Genau in dem Momänt seit e Stimm in mir: Hey, dini Kollegin näbedrah brucht di. Due si doch tröschte!! Natürlich ha ich zerscht dänkt, dass isch eh e Ibildig. Doch wo ich zu ihre überegluegt ha, ha ich gse, dass ihre Träne abelaufe. Ich ha si denne in d`Arm gno und si tröschtet. Mir sind denne sälber au Träne abegloffe, well ich eifach so Überwältiget gsi bi vo Gott. Ich weiss nid, was mini Kollegin trurig gmacht het, aber ich glaub, es het ihre mega guet do, dass ich für si do gsi bi. Ich möcht euch Muet mache: Wenn dir Gottes Stimm höred, denne machet dass, was är seit ! Vertraued ihm, dass dass au stimmt!
Evy
Spat am Abig, 4000Lüüt singed let it rain. Das het mich zu tüüfst beidruckt, wenn alli 4000 d reloveution läbed, wie viel wird sich dänn i nächster Zitt veränderä? Ich han dänn Gott danket für das Erläbnis, doch er seit, hey das isch eigentlich nid, was ich dir hütt wett zeigä.
Ja und er zeigt mir eini vo minä bestä nöd-christlichä Fründinä. Ich han vor churzem dä Entschluss gfasst, die Fründschaft uf Iis z legä, will sie sich nie meh gmäldet het und mir sitt emä Jahr fast kei Kontakt meh gha hend. Aber Gott hett zu mir gseit, hey du mäldisch dich genauso nöd bi ihrä und alles was du vo ihrä erwartisch, haltisch du sälber nöd i. Warum sött genau sie die sie, wo sich mäldet? Du erfahrsch di bedingigslosi Liebi vo mir und du weisch wie das isch. Sie kännt das nöd, also stah du für sie i und schänk du ihrä Liebi egal, ob was zrugg chunnt. Wenn sie dich bittet ä Meile mit ihrä z gha, dänn gang zwei mit ihrä und au wenn sie dich gar nöd bittet, tue das, wo du gärn vo ihrä hettisch!
Ja und dänn zeigt er mir uf, dass sie wenn ich für sie istah im Gebät und au suscht, dass sie zu Gott findä wird und s coolstä isch, dass ihri ganzi Familiä mit ihrä zu Gott findä wird und ich freu mich riesig druf….Irgendwänn wird ich mit ihrä und ihrereä ganzä Familiä let it rain singä! Ja wett oi eifach ermuetigä, liebed oii Fründä bedingigslos, gänd extra Meilenä mit ihnä…und oises Land wird veränderät wärdä!
Manuela
Ich bin in das Camp gekommen weil, ich etwas erleben wollte. Es hat sich wirklich gelohnt ich habe wirklich eine sehr coole Begegnung mit Gott erleben dürften. Ich habe aber auch sehr nette Leute kennenlernen dürfen die auch mit Gott unterwegs sind oder halt auch weniger. Ich durfte aber auch neue Freunde finden. Aber jetzt kommt noch das Beste: ich bin nach Hause gegangen in den Alltag und es hat alles wieder normal angefangen wie immer, aber etwas war anders. Meine Mutter hatte seit ca. 2 Jahren Darmkrebs und ich wusste es sind wieder Untersuche gekommen und ich hatte riesige Angst aber viele Leute auch vom Camp haben mir gesagt es kommt gut und das hat gestimmt. Gott ist so gewaltig, weil heute habe ich erfahren, dass sie geheilt ist! Und das ist für mich so ein Geschenk, ich möchte Gott danken aber auch allen Freunden und Bekannten die für mich da waren und gebetet haben.
Jeanôt
Ich war nicht im Camp, etwas zu alt (56) "dunkt mi". Aber wenn ich so diese Zeugnisse lese und höre, bin ich Gott unendlich dankbar und berührt für das was ER unter die Schweizer Jugend tut!
Matias
Nach einem Camp wie diesem, möchte ich oft einfach nur noch zurück, das Ganze noch einmal erleben oder weitererleben. Nach dem Praisecamp war ich mir bewusst, dass ich im Alltag etwas an meinem Lebensstil ändern wollte. Ich möchte die reloveution leben und mich auf die Erinnerungen ans Camp stützen.
Vor dem Camp habe ich angefangen, ein Buch zu lesen (von Bill Wilson, Christentum im Fadenkreuz) kam aber irgendwie nie richtig vorwärts, da ich mir nicht die Zeit dazu nahm. Jetzt nach dem Camp habe ich angefangen, wieder im Zug zu lesen und bin auf eine super passende Stelle gestossen. Es gibt in unserem Leben immer wieder Dinge, die man mehr liebt als Jesus. Das Beispiel ist hier mit einem Erlebnis. Als Jesus mit Elia und Mose auf dem Berg der Verklärug in seiner Herrlichkeit erschien, sagte Petrus sofort, "kommt, lasst uns Hütten Bauen. Hier wollen wir leben, das ist Grossartig!" Jesus erwiderte darauf "Nein." Nein, das war ein Erlebnis, auf das ihr zurückblicken könnt, kein Ort wo ihr leben sollt. Erlebnisse sollten uns nach vorne katapultieren, in die Absichten Gottes hinein, und uns nicht veranlassen, lange Zeit darin zu verweilen und das Wunderbare dieses Erlebnisses zu betrachten. Mir wurde bewusst, dass ich Gott suchen muss und nicht das Erlebnis. Das Erlebnis anzubeten bringt nichts. Du wirst die reloveution leben, wenn du Gott liebst und ihm gefallen willst.
Durch diesen Text wurde mir bewusst, dass ich mich auf Gott ausrichten und stützen muss und nicht auf das Camp. Hoffe, dass dieser Beitrag all denen hilft, die alles daran geben würden, noch einmal zurückzugehen.
Märt
Jo em wie sölli do a fange hehe dä afang isch immer s schwerste. Vielicht gohts eu jo öbe glich wie mir das er irgend e schöni frau oder en schöne maa eifach nüme usem chopf bringet und glich wüsset er das es nigs meh wird wel die frau oder dä maa öbert anderst im chopf het und nöd di. i wöt eu eifach sege leget das eifach immer wieder gott ane wel er het eifach e perfekti frau oder en perfekte maa für di parat. wel a dem wo er zrugg hebet do chönd er nöd gottes liebi empfange und gott het eifach dä perfektisch plan für di gmacht und jo es chunt alles zu em sinere Ziit. i wöt eu mit dem eifach ermuätige und das er eifach eues vertraue uf gott nöd verlüret wel er isch eifach so guät zu üs und er will nur s beste für di. sind alli ganz fest gsegnet
Annika
Aso vorem praisecamp beni so voll ned so uuf gott und jesus bezoge gsii und i han eifach gwüsst dases sie git ha sie aber nie gschpüürt u soo...nachär beni is PD10 cho und dete hani denkt s**** da sind aba vell lüüt! und am erschte abe hends gseid dass bes jetzte jede esch veränderet uus däm cämp und ich soo jojo red nur soo oder...und am zwaite abe esch mer denne eifach uus der seel gschproche wurda und das esch eifach de hammer gsii und i han zum erschte mal gschpüürt wie jesus be eus esch ode, und denne wos gseid hend, die wo jetzt gott zum erschte mau gschpürt hend selle uufstah, det beni uufgschtande u de kolleg ou und es esch eifach de hamma gsii es esch es unbeschriiblechs gfühel gsii oder und denne fang i eifach so voll afa gränne u hüüle und ich soo was esch met mer los? und denne hani gmärkt, gott esch be mer, i miim härz, i ha miis härz g'öffnet u er esch eifach do für mee.de uuf einisch hett d Delia (super frau!mega cooli kollegin wo mi metgnoh hät) het sie eifach afa gränne u i so nacher wo mer dusse gsii sin nd mer nimm träne vergosse hend hani sie gfragt weso hesch afa gränne, weisch wa hett sie denne gseid?: jo i ha afa gränne well du uufgschtande besch.es esch eifach so schöön z wisse dass du di jetzte bekehrt hesch ode und joh.un denne zwei täg später, dete bem vortrag gloub de boppi esches gsii met de eier..det hani no schlimmer as z'erscht mal afa gränne und i han me weder gfragt wieso?wieso grännsch.denne esch mer eifach wirkli namal bewusst worda dass gott be mer esch und dass er eifach emmer für me do esch und i es heide glück han do z sih und joh... eifach unbeschriiblich es esch ned es oberaffägeils Zeugnis aber es hett me eifach eh neue lebensstil gäh und joh...es esch de hammer gsii met eu allne! märci dass ehr aui debii si gsii :-D:-D:-D:-D
Ruth
Das Praisecamp 2010 war genial! Für mich war es einfach eine Woche Wellnessweekend für die Seele. Ich lernte viele neue Leute kennen, die mich enorm faszinierten, mich ermutigten und mich sehr positiv prägten. Gott hat durch sie mein Herz berührt und mir gezeigt, wie wichtig die Liebe ist und das möchte ich auch jetzt zu Hause in meinem Umfeld leben. Ich weiss jetzt wieder: Es gibt sie wirklich, die netten, hilfsbereiten, herzlichen Christen, die Gott über alles lieben. Ein konkretes Beispiel: Ich arbeitete an der Fassstrasse mit und bekam an einem Tag zwei Helfer aus dem Fürbitteteam. Sie waren so enorm motiviert und fröhlich, dass es mich einfach ansteckte. Es war der Beste Tag der Woche. So ging ich am Abend in den schönen Gebetsraum und versank in der Gegenwart Gottes. Es hat mich so gestärkt, innerlich geheilt und ermutigt. Danke Jesus!!!
Tobias
Ich bin mit de Erwartig is Praiscamp 2010 cho, dass es sicherlich es cools Lager wird mit es paar Jugendliche und das i nebedbi no was vo Gott erfahre. Das Denke, han ich müesse scho bim erste Worship feststelle, isch unendlich untertribe! Es isch de Hammer gsi mit all dene Christe Gott z lobe nd mit ihne ziet z verbringe. D Worships sind so packend gsi und d Inputs sind enorm nöch gange nd hend mi sehr nachdenklich gmacht. Die Regio-tracks hend für mi zu de coolste Zite vom Tag kört. Mit dene zum Teil Wildfremde andere Teenager us de Region i Kontakt z trette nd mit ihne ihres wüsse über Gott nd ener Beziehig mit Gott usztusche. Sind echt alles meega cooli Lüt gsi und i han mi under all dene vielne Lüt während em gesamte Praiscamp wohl und geborge gfühlt. Damit nomal es Lob a eu all wo sich so fürs Camp angaschiert hend. Guet jetzt chum ich mal zum entscheidende Teil.. Ich han im Camp echt unglaublichs Züg erlebt mit Gott. Nemli Folgendes: Ich bin im Workshop gsi "Lose,Luege,Laufe" wos drum gange isch uf de heillig Geist z lose nd z merke was er mir möcht midteile. Bi denn i dem Workshop ghocked bis d Ufgab cho isch de Name vom Grossvater usezfinde und zwar vo dem wo nebed eim hockt. Das Ganze innert 20sek. Suupr han i denkt da chan ja guet cho. Mer müessed eifacht vertraue nd meh chöni nüt falsch mache. Mis gegeüber hets au nach mehrere Versüech leider nög gschafft de Name usezfinde. Denn bin ich dra gsi. Han mini hand uf sini schultere gleit nd beted: Herr zeig mer jetzt bitte eifacht de Name. Denn chunt so es J und es A nd plötzli, also das alles het sich innert 3sek. abgspielt, seg ich de Name Jakob, wo mis gegeüber es grad het wele verrate. Und tatsächlich isch es Jakob gsi. Wahnsinn!! I dem worship sind no meh so sache passiert, doch da verzell ich besser es mal, suscht wird mis ohnehin scho viel zlangs Zügmis, no um s doppelte verlängered ^^ Wenn ihr meh wüsse wend fröged mi eifach. Ich leb i de Reloveution. Halleluja! Und du? Be Blessed!
Joel
Mer hett Gott im Praisecamp eifach einisch meh zeigt dass er mich liebt und mich ghört sälbst wenn ich ihn ned immer gspüüre. Au het er mir zeigt dass ich ihn chan erläbe, aber ned immer eso wie ich wett und ned immer dänn wenn ich wett. Und zwor isch folgendes passiert: Ich ben mol wieder inere Worshipziit gstande und han Gott drum bittet dass er sich mir erwiist! Das ich ihn so krass chan erläbe wieni s schomol erläbt han! (Das isch imene Adonialager gsi wo ich so starch vom Heilige Geist ergriffe worde ben dass ich nume no zitteret und abwächsligswiis glacht nd brüelt han mereri Stund lang.) Uf jede Fall isch denn nüüt passiert. Ich ben truurig worde und han zu Gott gschraue! Nüüt isch passiert! Denn han ich mich dra erinneret dass ich mol ghört han vo Lüüt wo mega lang hend müesse bäte bis sie en Durchbruch erläbt hend. Drum hani denkt: Also ich gang ez in 24/7 Gebätsruum und bätt bis ich Gott erläbe, sälbst wenni die ganz Nacht durebäte mues. Am Afang isch grad öpper zu mer cho und hett för mich bättet. Es het mi zwor berüert, aber es hett mer nonig glanget. Denn bini wiiter detghocket und han nochedenkt und bätet. I dere Ziit isch mer extrem bewusst worde wie verlore mer isch ohni Jesus. Wie Hoffnigslos! Wie sinnlos es Läbe isch ohni Ihn! Ich ben ufgstande und han mer es Blatt Papier gnoh und han agfange ufzschriibe wie verlore das ich mich gfühlt han und wie kei Sinn mis Läbe gmacht hebi. Doch denn han ich au ufgschribe so Sache wie: I minere Hoffnigslosigkeit bisch du zu mer cho. Du hesch mir es Liecht gschenkt i minere absolute Finsterniss. Mir ischs öberhaupt nonig besser gange. Und ich chans mer bis jetzt nonig erkläre wiso ich das ufgschribe han. Uf jede Fall ben ich nochdem ich das uufgschrebe han goge mini Bible hole wo ich nöimed lige loh han. Ich han d bible ufgnoh und noch rächts gluegt und drüü Mädels gseh wo mich met offnem Muul aagstarrt händ. Sie hend mer gruefe ich söll zu ine cho und denn hends aagfange verzele: Am morge hebed si i irem Regiotrack Schatzsuechi gmacht. Die einti hebi es Bild vo mer gha. Sie seged id Stadt gange und hebed mich halt ned gfunde (ich ben schliesslich au im Praisecamp gsi) denn segeds enttüüscht zrug cho. Doch denn hebi die einti plötzlich mich gseh und hebi zu de andere beide gseit: Hey das isch er! Sie seged sich aber ned sicher gsi nd hebed bätet dass wenn wörklich ich ihre "Schatz" seg denn söll ich ihne weder öber de weg laufe. Am Obe segeds denn in gebätsruum gange und tatsächlich ich ben au det gsii. Denn segeds aber immer nonig sicher gsii nd hebed bätet: Wenns wörklich er isch söll er jetzt zu eus cho. Genau zu dere Ziit ben ich goge mini Bible hole! Dezue isch no cho das sie s Gfühl gha hend das ich irgendwie Marco, Sven, Joel oder so was idere Art heisse. Mer send numeno det ghocket und hend denkt: WOW! So het sich Gott eus allne erwise uf e ganz anderi Art als mers erwartet hend! Mer isch eifach klar worde dass mer eus ned sölled uf ei art fixiere wie er söll sich eus söll erwiise. Sondern mer sölled ihm eifach d Freiheit geh sich eus so z erwiise wie er wott und au dänn wenn er wott! Mer sölled au eusi Beziehig zu ihm ned nume uf Erläbnis uufbaue sondern ihm eifach vertraue dass er bi eus isch sälbst wenn mers ned gspüüred. Und dass er weiss was s beste isch för eus.
Lea
I hol chli us damit alli druss chömed. I bi im Moment i de 2. Kanti und i ha i de Sekundarstufe so die Ziit gha wo i voll fertig gmacht worde bi vo mine "Kolleginne". I ha wo de Mike predigt het eifach gmerckt das die us miner ehemalige Klasse eifach e rise Wunde i mir hinderloh hend und mer isch eifach wie gsi als ob i kei richtigi Kolleginne het. Denn han i so zu Gott gseit: "Los Gott i ha s'Gfühl das die wunde nume mit diner hilf gheilt cha werde und nume mit em ne positive Erlebnis." I bi eifach brüelend auf em Bode knület und uf eimal chunt mini Kollegin zu mir und nimmt mi in Arm. I ha nume no so denkt "WOW!" und i ha Gott eifach nume no chönne danke. I ha wieder voll Freud übercho und ha nöd chönne ufhöre smile.
Simon
Ich durfe Jesus Christus wieder einmal neu erleben!! Vor dem Camp war meine Beziehung zu Gott nicht mehr das was es einmal war! Doch als ich zum praisecamp ging, durfte ich seine Gegenwart wieder völlig neu erleben!
Es isch eifach de Hammer wemme Jesus so fest liebt und sini gegewart gspürt... ich denke Gott het für jedes einzelne wo da im praisecamp gsi isch en Plan, er zeigt üs wos duregaht, miär mend üs kei sorge mache Jesus Christus luegt zu eus und eis wot ich natirlich ai nu sege, was Ihm isch ghört au mir/dir/eu!!!
Jesus Christus isch euse lebendige Gott!!!
Gabi
Ich han am Mitwuch, wos um d Uswahl vo de Workshops gange isch, eigentlich zerst in Workshop vom François Pinaton welle, das wer de gsii wos um d Beruefiig gange isch, aber de isch scho voll gsii, aso hemmer eus entschiide in Workshop vom Andrea Dimeglio z goh..
Es ish die beshtii Entscheiidig gsii, ich han in dem Workshop Gott mega dörfe erlebe. Es sind sache passiert, wo numme mit ihm möglich sind! Ich han sit 3 Joor e Chnüüshiibeentzündiig gha.. ich han denne für mich bete looh und mis chneuu het nümme weh gmacht! Es ish eifacht soo geniial gsii.. und werend ehm bette hani denne au immer widr so Bilder gseh, vo Shuuele in Indie.. und mich as Lehreriin dörte.. das ish echt mega idrückliich gsii..
Ich bin eigentliich ohnii grossi Erwartige an das Camp cho. Aber Gott het innerhalb vo dene 6 Täg mis Lebe komplett ufe Chopf gstellt. Es ish eifacht... WOW :D
Lenard
Das Jahr 2011 hat begonnen, und mit ihm die ReLOVEution. Im Zug nach Hause waren wir zu spät um unsere eigenen Abteile besetzen zu können, also drängten wir uns zusammen und sassen zum Teil im Gang. Mitten unter uns sass ein stark angetrunkener jungen Mann. Wir spielten ABC DRS3 (ein Wortratespiel in Mundart) und er sagte wiederholt er verstehe keine Mundart. Das Umstellen des Spiels war schwierig, dafür kamen wir aber mit ihm ins Gespräch. Ich sprach ihn auf den Alkohol an (was er zunächst mit dem stinkefinger kommentierte), da er unter anderem noch eine volle Flasche Schnaps dabei hatte und fragte ihn nach dem Sinne des Ganzen. Da erzählte er, dass er seinen Vater vor einiger Zeit verloren hatte, und vor einem halben Jahr auch seine Mutter. Er war gerade auf der Rückreise aus Deutschland, wo er seine Schwester getroffen hatte, welcher es nicht sehr gut geht. Die Geschichte dieses Menschen traf uns alle sehr! Er war bereit, unsere Fragen zu beantworten, obwohl er uns zwischendurch sagte, es würde uns ja eigentlich nicht interessieren und es sei seine eigene Angelegenheit. Nach einer Weile des Überlegens wie wir ihn wohl auf Gott ansprechen könnten (genauso wie es Marius am Morgen in einem persönlichen Beispiel auch geschildert hatte) fragte ich ihn ob wir ihm etwas schenken könnten, drückte ihm die Bibel einer Freundin in die Hand und erzählte ihm von dem anderen Vater, der ihn liebt und der seinem Leben neue Hoffnung geben möchte. Er sagte immer wieder dass es ihm gut gehe, dass er seinen Vater liebe, dass dieser aber einfach nicht mehr da sei. Sein Lebensstil, vor allem nach dem Tod seiner Mutter, zeugt aber vom Gegenteil. Er hat auch Probleme mit Drogen. Er nahm die Bibel an und versprach, darin zu lesen, schenkte mir aber im Gegenzug sein Lieblingsbuch: Ein Schunken zum Thema Hanfanbau. Motiviert durch die Gruppe fragte ich, ob ich für ihn beten könne und er willigte auch hier dankend ein. Also umarmte ich ihn von der Seite und begann. Es war ein spezielles Gebet für mich, da ich bis anhin zu scheu war, solche Gespräche zu führen und damit auch noch nie so für einen Fremden gebetet hatte. Ausserdem kommentierte er laufend das Gebet. Danach bedankte er sich immer wieder für das Gebet und für das Zuhören. Er war sichtlich berührt von dieser Situation. Danach stand er auf und verliess das Abteil, wahrscheinlich um eine Denkpause einzulegen. Sein Gepäck liess er zurück, kam aber nicht wieder bis wir den Zug verlassen hatten. Er hat mir seine Emailadresse gegeben, womit ich ihn kontaktieren werde. Ich hoffe dass er wegen des Alkoholes trotzdem viel aufnehmen konnte. Es war sehr befreiend, im Anschlusszug nochmals gemeinsam für ihn zu beten.Es war ein sehr bewegender und zugleich sehr ermutigender Start ins neue Jahr, Gottes Führung bereits am ersten Tag so erleben zu dürfen! Dazu kann ich nur noch sagen: Geniesse das Leben mit Gott in "vollen Zügen"!
Lea
Auch wenn grad kein Praisecamp ist, bin ich trotzdem oft im OLMAgelände, weil ich dort jobbe. Oft sind dies lange, stressige Stunden und ich sehne mich oft sehr nach dem Feierabend. Wenn ich dann endlich Pause hatte, Zeit um mal für kleine Mädchen zu gehen und und und... da traf es sich oft so, dass ich ohne es zu wissen immer aufs gleiche Klo ging. Und was ich in diesem Klo immer antraf, motivierte mich so oft für die verbleibenden Arbeitstunden. Auf dem Toilettenpapierspender hat jemand, ich schätze mal vor ziemlich genau 2 Jahren, etwas drauf geschrieben. (Was man ja eigentlich nicht macht,aber ja.. :)) Es stand: "Jesus isch all-in für di gange, gosch au du all-in für ihn?? - Praisecamp 2008"Diese paar Worte spendeten mir oft Kraft und setzen mir wieder ein Lächeln aufs Gesicht! Danke, wer auch immer da gegen die Regeln verstossen hatte und das da drauf geschrieben hat! Das All-In-Praisecamp hat mich in den letzen 2 Jahren wirklich an den speziellsten Orten begleitet... :)
Sarah
Okay, das ganzi fangt nid im Praisecamp aa. und es isch e langi gschicht. aber ich glaub, es lohnt sich, miini gschicht mit Gott zläse!
Ich bin als Chind vergwaltigt worde. Miin Vater hett es Burn-Out ghaa und sich en scheiss für oisi family interessiert. Miin Bro hett mich täglich terrorisiert, ich han angst gha hei zgaa, han mich hinder enere maske versteckt. die andere hend denkt, es wür mer guet gaa...
vor 5 jaahr hani nüme meeh chöne hinder d maske stecke. ich han de ganzi schmerz, hass, wuet, verzwiiflig müese uselaah. und han aagfange, mich z ritze. zum ritze isch de wunsch nachem tod cho. zersch langsam und schliichend, und mit de ziit immer stärcher. vor 2 jaahr hend sich denn miini eltere trennt. das wär sletschte bitzli gsii, wo mich dezue bracht hetti, en abschiedsbrief z schriebe und mich voren zug werfe. 2 mönet bevor miin vater uuszoge isch, isch aber s praisecamp 08 gsii. Gott hett mir gseit, ich sölli mich taufe laah. miin liibliche vatter isch gange, het mich ellei laah. aber miin Dad, miin Gott, isch bliibe. ich han mich taufe laah, han miis läbe vollkome miim Dad gääh. ich bin nach de summerferie ane neui schuel, ine neui klass choo. miin plan isch gsii, niemert aa mich anezlaah, und mich denn nacheme ziitli umzbringe. Gott hett mir i die neu klass mänsche gschickt, wo zwar nid gläubig sind, aber mir de muet gääh hend, wiiterzmache. sie hend de weg zumir gfunde und hend mich dezue bracht, vieli gfüühl woni verdrängt ghaa han zuezlaah. am 10. Januar 10 hanis aber trotzallem nid uusghalte. ich bin zmitz ide nacht uufgstande und zunere brugg gloffä. ich bin deet gstande,im schnee, han brüelt und han Gott drum bittet, dass er mir zeigt, dass miis läbe na en sinn hett - wenns denn eine hett. ich han zum himmel gluegt. er isch rot gsii (rot isch mini lieblingsfarb) und es flugzüüg ish über mich drüber gfloge (ich han de traum, uuszwandere siit ich chlii bi). ich han vor miine auge bilder gseeh vo miine fründinne us de schuel. bsunders eini isch immer wieder cho. i dem moment hani gspürt, wie Gott miini bei vo de brugg wegleitet. ich bin zrugg hei gloffä. am nöchste tag bini id schuel. die fründin, woni am abig vorher so hüüfig gseeh han hett mir gseit, sie hegi vo mir troimt. ich seg dusse gsii. es heg schnee ghaa. und ich heg mega brüuelt, und sie hätt mich unbedingt welle tröste. sie hett vo miir troimt. Gott hett dur das en schalter betätigt und ich han namal e schwetti verzwiiflig dörfe uselaah.
Gott het mich immer treit ghaa, aber Selbstverletzig und Suizid hend d Oberhand ghaa. ich han mich immer heftiger gritzt, immer schärfers züüg brucht. bis ich e rasierklinge usem bio unterricht klaut han. ich bin ines christlichs osterlager im 2010. ein tag nachem osterlager hett ich geburi, und ich han mich denn welle umbringe. ich han Gott am aafang vom lager gseit, dass er öppis ändere söll. am zweitletschte tag bini ellei ufem wc gsii, und han mir d rasierklinge as handglenk ghebt, han scho chli gschnitte. denn hanich irgendiwe sone art stimm i miim härze ghaa wo gseit hett "nei, sarah. ich lieb dich. gang use. gang zu dine fründinne. Gang." ich bin usem wc und han d rasierklinge weg taa. am nächste morge hemmer na en input ghaa. nachher na sone ziit zum uf Gott lose. de preacher isch füre und hett gseit er hegi es bild becho. er gseht drüü mänsche i dem ruum. de erschti seg einsam. de zweiti voller hass und rachegedanke, er will mänsche töte wo ihm öppis aa taah hend (das hett uf miin kolleg zuetroffe!!) und die dritt person het selbstmordgedanke. irgendöppis chlopft ständig as herz und seit, du bisch wertlos, bring dich um, diis läbe hett kein sinn, bring dich um. ich han sgfüühl gha als wür sich e bleidecki über mich legge und ich han sämtliche schmerz gspürt, wonich 5 jahr lang verdrängt ghaa han. ich han brüelt, und denn hett mich eini usegnooh und mit mir bättet.
a miim geburtstag hani kein gedanke a ritze verschwändet, geschweige denn a selbstmord. nix. siit ostere 10 gahts mer besser. ich han nüme die quälende suizidgedanke, mängisch hani ritzrückfäll gha, ja. aber es isch mer besser gange. und denn hani imne klasselager en totale zämebruch ghaa. ich han miin rasierer gnooh und miin arm verschnitte so heftig wie nur möglich. ich han kei kontrolle meh über mich ghaa. miini beste fründinne hend mich müesse fest hebe, dasi nid usem fenster gumpet bin. ich han sie aagfleeht, miich gaah zlaah, mich z stärbe laah. das isch s letschte mal gsii bis hüt, wo ich han welle sterbe. ich bin is praisecamp cho. zäme mit minere bestebeste fründin (erinnered ihr eu? mänsche, zwar nid gläubig, us minere klass? das isch eini devoo...die wichtigst...) ich han dur miis ritze und miini selbstmordgedanke s gfüühl gha, ich seg en schlächte christ. aber miini best fründin hett sich defür aafange interessiere. und ich han ihre chöne vo Gott verzelle, und er hett mer siini wort is muul gleit. zersch mal miis erläbnis im praisecamp: mir sind am worshippe gsii, und ich bin plötzlich ellei ide halle gsii. d halle isch drüü mal so gross gsii, und uf de bühni hetts nume es riesigs chrüüz ghaa. ich bin ufeme belüüchtete weg füre gloffä, miteme riisige, schwäre sack. vorne aachoo hett e grossi hand de sack gnooh. denn hani händ und füess gseeh, wo mit nägel durchschlage werded. uf däne negel sind sache gstande, sünde, wo ich begange han. miini sünde hend Jesus krüüzigt. denn hani en körper gseeh wo am chrüüz hängt. und us dem grosse sack sind gwicht usegnooh worde. uf jedem gwicht e sünd vo mir. die gwicht sind an körper aneghängt worde. ich han gseeh, wie Jesus für MIINI sünde gstorbe isch. plötzlich hani wieedr ghört, das da na anderi mänsche um mich ume sind. ich han brüelt vor befreiig, will Jesus isch für mich gstorbe!!!!! ich hans i dem moment realisiert, was das WÜRKLICH heisst. ich mues mich nid schäme für miini art, christ zsii. will ich bin en mänsch. ich mache fähler. und ich han viel fähler gamcht. aber ich han i all däre ziit druff vertraut, dass Gott da isch, dass Er mich fangt, dass Er mir hilft, mich heilt. nie hani draa zwiiflet. Nie.
Die miini best best fründin, wo ich ungläubig kenne glernt han, hett dörfe zu Gott finde. und Gott het uusgrechnet mich als Werkzüüg bruucht. ihr chön eu nid vorstelle, was das füres gfüühl isch, wemmer s denkt mer seg de totali loser im glaube und denn chunnt öppert Ungläubigs zu dir und seit:
"DU schöpfsch so viel Chraft usem Glaube. Ich wett das, wo du hesch, au haa!"
Sit em praisecamp hani mich nüme gritzt, nüd mal draa denkt. au de todeswunsch isch weg. ich bin en neue mänsch. und ich liebs, vo Gott zverzelle, ich liebs, mit ihm z redä. Er isch miin perfekte Vatter, woni nie ghaa han. er hett mer d chraft gääh, miim vergwaltiger zvergäh und er hett mich und miin brüeder versöhnt und mir es neus Herz gschenkt.
Ich liebe dich, miin Dad!!
